Нооруз майрамынын урматына Шопоков шаарынын мэриясы шаардык кеңеш менен биргеликте шаар тургундарынын — балдар жана чоңдор арасында мини-футбол боюнча турнир уюштурду. Бул иш-чара биримдиктин, ынтымактын жана муундардын байланышынын символу болуп, ар түрдүү курактагы жарандарды бир аянтка бириктирди.
Жыйынтыгында жеңүүчүлөр жана байгелүү орундардын ээлери кубок, медаль жана акчалай сыйлыктар менен сыйланышты. Турнирдин эң башкы жыйынтыгы — Шопоков шаарынын тургундарынын ортосундагы достукту жана биримдикти чыңдоо болду.
